سپريم ڪورٽ پاران جوڙيل واٽر ڪميشن 11 نومبر تي ٽائيم لائين ڏيڻ لاءِ تيار

سپريم ڪورٽ پاران جوڙيل هڪ رڪني ڪميشن جيڪا جسٽس محمد اقبال ڪلهوڙو تي ٻڌل آهي اهڙو اظهار ڪيو آهي ته 11 نومبر تي ڪميشن هڪ ٽائيم لائين پيش ڪندي جنهن ۾ اڳتي جو ڪم بيان ڪيو ويندو. صوبائي تعليم جي سيڪريٽري پاران جمع ڪرايل رپورٽ جو جائزو وٺڻ کانپوءِ ڪميشن چيو ته هن رپورٽ مطابق ظاهر ٿيو آهي ته مسئلي لاءِ مناسب ڪم نه ڪيو ويو آهي. رپورٽ ۾ ٻڌايو ويو ته ڪوبه اهڙو خاص قدم نه کنيو ويو آهي جنهن سان سنڌ جي اسڪولن ۾ پاڻي جي صورتحال کي بهتر بڻائي سگهجي. سنڌ صوبي جي پبلڪ هيلٿ انجنيئرنگ ڊپارٽمينٽ جي سيڪريٽري تميز الدين کيڙو ٻڌايو ته اڳ ۾ ئي سنڌ ۾ مختلف صاف پاڻي جي اسڪيمن تي ڪم هلي رهيو آهي. ان کانسواءِ هو هڪ مهيني ۾ (PC-1) جمع ڪرائيندو ته جيئن وڌيڪ ڪم لاءِ فنڊ جاري ڪرائي سگهجن.