ايراني سرحد بند ٿيڻ سبب ايل پي جي 50 رپيا في ڪلو مهانگي

ايراني سرحد بند هجڻ سبب سڄي ملڪ ۾ ايل پي جي اگهن ۾ 50 رپيا في ڪلو واڌ ڪئي وئي آهي. رپورٽ موجب واڌ کانپوءِ ايل پي جي، جي قيمت 200 رپيا في ڪلو کان ٽپي وئي آهي. جڏهن ته گهريلو سئلينڊر جي قيمت 500 رپيا، ڪمرشل سئلينڊر 2000 رپيا ٿي ويو آهي. ايران مان روزاني هڪ هزار ميٽرڪ ٽن ايل پي جي گهرائي پئي وئي، پر سرحد بند ٿيڻ سبب ڪيترائي ايل پي جي جا ڪنٽينر پاڪ ايران سرحد تي ڦاٿل آهن. سرحد بند هجڻ ڪري پاڪستان ۾ ايل پي جي جو بحران سخت ٿيڻ جو امڪان آهي. ذريعن موجب پاڪستان ۾ ايل پي جي سيڪٽر لاءِ ڪابه ڊگهي مدي واري پاليسي موجود نه آهي