هي ماڻهو نه پر جانور آهن: ٽرمپ

ڪيليفورنيا جي شيرفس سان رائونڊ ٽيبل ميٽنگ ۾ ملڪ بدر ڪيل مهاجرن بابت ڳالهائيندي آمريڪي صدر ٽرمپ چيو ته اهي انسان نه آهن اهي جانور آهن. آمريڪي صدر ٽرمپ هميشه رکو ڳالهائيندو رهندو آيو آهي پر هن دفعي ته هن حد ڪري ڇڏي. هن کان اڳ ۾ ٽرمپ آمريڪا جي اميگريشن قانون کي به تنقيد جو نشانو بڻائيندي غلط نالن سان سڏيندو رهندو آهي. ميٽنگ دوران ٽرمپ چيو ته هي انسان نه آهن هي ته جانور آهن، انسان انهن کي ائين ٻاهر موڪلي رهيا آهيون جيئن اڳ ۾ نه پئي ڪيو ويو. 2015 ۾ به هن ميڪسڪو بابت چيو هو ته اهو صرف پنهنجا خراب ماڻهو اسان ڏانهن موڪلي رهيو آهي، جيڪي پاڻ سان گڏ ڏوهه آڻي رهيا آهن. شايد انهن کي ملڪ اچڻ کان روڪڻ ۾ پوري طرح ڪامياب نه ٿيڻ سبب ئي هاڻي ٽرمپ ٿڪجي پيو آهي.