18 ترميم ڪارڻ ئي صحت جا مسئلا حل ٿي سگهيا آهن: پنجاب حڪومت

2010 ۾ پاس ٿيل 18 آئيني ترميم کي ملڪ ۾ قانون ٺاهيندڙن پاران تمام گهڻي تنقيد کي منهن ڏيڻو پيو هو. ڪالهه قومي پارلياماني ڪميٽي جي اسٽينڊنگ ڪميٽي آڏو ڳالهائيندي پنجاب حڪومت جي نمائندي عرفان خالق چيو ته 18 ترميم صحت جي ڏس ۾ ڪافي مددگار ثابت ٿي آهي، جنهن کان اڳ ۾ اسان کي ننڍن معاملن لاءِ به اسلام آباد جا چڪر ڏيڻا پوندا هئا جنهن لاءِ ڪابه موٽ نه ملندي هئي. جڏهن ته 18 ترميم کانپوءِ پنجاب ۾ ڪيترن ئي مسئلن کي منهن ڏيڻ ۾ آساني ٿي آهي. جڏهن ته پارلياماني ڪميٽي آڏو پيش ٿيل ڊرگ ريگيوليٽري اٿارٽي جي سي اِي او ڊاڪٽر محمد اسلم چيو ته صوبن کي ان ڳالهه جي اجازت نه هجڻ گهرجي ته اهي دوائن جا لائسنس ڏيئي سگهن ڇاڪاڻ ته ان لاءِ ملڪي سطح تي ڊريپ Drug Regulatory Authority of Pakistan  جو ادارو موجود آهي، جنهن جي جواب ۾ عرفان خالق چيو ته صوبي ۾ صحت جي معاملي تي انيڪ مسئلا پيدا ٿي چڪا هئا جنهن کي ختم ڪرڻ لاءِ ڪوبه ڪم نه ڪيو ويو هو جنهن سبب ئي اسان کي اپاءُ وٺڻا پيا آهن.