15 جولاءِ تائين تعليمي ادارا بند، شاگردن کي پروموٽ ڪرڻ جو اعلان

حڪومت ڪورونا صورتحال سبب سڄي ملڪ ۾ بورڊ جا امتحان ختم ڪري ڇڏيا آهن. جڏهن ته 15 جولاءِ تائين سمورا تعليمي ادارا بند ڪرڻ جو به اعلان ڪيو ويو آهي. تعليم واري وفاقي وزير شفقت محمود چيو آهي ته نائين کان ٻارهين تائين بورڊن جا امتحان نه ڪرائڻ جو فيصلو ڪيو ويو آهي. هاڻي مئٽرڪ ۽ انٽر جا امتحان نه ٿيندا. يونيورسٽي ۾ داخلا يارهين ڪلاس جي نتيجن موجب ڪئي ويندي. اسان 15 جولاءِ تائين اسڪول بند رکڻ جو فيصلو ڪيو آهي. نائين، ڏهين، يارهين ۽ ٻارهين درجي جي سمورن بورڊن جا پرچا ملتوي ڪيا ويا آهن ۽ شاگردن کي گذريل سال جي نتيجي جي بنياد تي اڳئين درجين ۾ پروموٽ ڪيو ويندو. شاگردن جي صحت ۽ انهن جي تعليم تي سوديبازي نٿي ڪري سگهجي