بجلي فراهم ڪندڙ ڪمپنين کي في يونٽ 2.23 رپيا واپس ڪرڻ جو حڪم

نيپرا پاران بجلي فراهم ڪندڙ ادارن لاءِ حڪم جاري ڪيو آهي ته اهي صارفين کان آڪٽوبر جي مهيني ۾ اوور چارمنگ جي مد ۾ ورتل 22 ارب رپيا واپس ڪري. نيپرا جي چيئرمين پاران پريس ڪانفرنس ۾ ڳالهائيندي ٻڌايو ويو ته آڪٽوبر ۾ اصل قيمت في يونٽ 5.13 رپيا هئي جنهن جي بدلي ۾ ڪمپنين عوام کان 7.34 رپيا في يونٽ ورتا. هن الزام هڻندي چيو ته پاور ڪمپنيون سستا ذريعا موجود هوندي به مهانگي ذريعن مان بجلي ٺاهي رهيون آهن. هن چيو ته ريگيوليٽر ان مسئلي کي اٿاري رهيا هئا پر ان جو هيستائين ڪو نتيجو نه نڪري سگهيو هو.