قومي اسيمبليءَ پاران ڪارونجهر تي ڊيم ٺاهڻ جي منصوبا بندي شروع

قومي اسيمبلي جي قومي فوڊ سيڪيورٽي ۽ ريسرچ جي ڪاميٽي جي چيئرمين ملڪ شاڪر بشير اعواڻ چيو آهي ته ڪاميٽي ۽ پاڪستان جي آبي وسيلن جي ڪائونسل ريسرچ جو ادارو ڪارونجهر وٽ ڊيمَ ٺاهڻ چاهين ٿا ته جيئن ٿر ۾ مينهن جي پاڻي کي محفوظ ڪري سگهن. بشير اعواڻ، قومي اسيمبلي کي اهو به ٻڌايو ته هن صورت ۾ ٿر ۾ پاڻي جي کوٽ کي پورو ڪري سگهجي ٿو جيڪو زراعت ۽ پيئڻ لاءِ ڪم آڻي سگهجي ٿو. هن اهو به چيو ته ڪاميٽي ٿر ۾ وڃي اتي موجود پاڻي جي ذخيرن جي باري ۾ معلومات وٺي چڪي آهي.