سنڌ اندر 20 هزارايڪڙن تي وڻ لڳايا ويندا

سنڌ جي وڏي وزير سيد مراد علي شاهه سنڌ اندر ڪراچي ۽ حيدرآباد وچ ۾ ٻيلي کاتي جي خالي پيل 20 هزار ايڪڙ زمين تي وڻ لڳائڻ جو حڪم ڏئي ڇڏيو. هن عمل سان نه صرف حيدرآباد ۽ ڪراچي وچ ۾ ماحوليات کي فائدو پهچندو، پر ساڳئي وقت صوبي اندر جهنگلي ايراضي ۾ به اضافو ايندو. هن موقعي تي فاريسٽ ڊپارٽمينٽ جي عهديدار چيو ته گذريل پنجن سالن ۾ سنڌ اندر فاريسٽ ڊپارٽمينٽ 175000 ايڪڙن تي ٻج پوکيا آهن. ان کان علاوه اسان جي اداري 2009 اندر هڪ ڏينهن ۾ سڀ کان وڌيڪ ٻج پوکي ورلڊ رڪارڊ ٺاهيو هو جنهن بعد 2013   ان ورڊ رڪارڊ کي ٽوڙيو هو. هن موقعي تي فاريسٽ ڊپارٽمينٽ جي عهديدار ڳالهائيندي ٻڌايو ته اداري 7 لک ٻوٽن جا ٻج تياري ڪيا آهن جيڪي پڻ يا ته اداري پاران پوکيا ويندا يا عوام جي لاءِ نرسرين ۾ رکيا ويندا ته جيئن اهي خريد ڪري سگهن.