هڪ دٻي مان 10 منٽن ۾ تيار ٿيندڙ گهر

برطانيه جي انجنيئرن پاران 10 منٽن ۾ تيار ٿيندڙ گهر ٺاهيو آهي. هي گهر هڪ دٻي جي صورت ۾ هوندو جيڪو گهر ۾ تبديل ٿي ويندو. هن گهر جي ضرورت ان صورت ۾ آئي جو هڪ ته گهرن جون قيمتون وڌي ويون آهن ۽ ٻيو ته رهائش لاءِ ايراضي به گهٽ ٿيندي پئي وڃي. هي گهر هڪ ماڙ تي مشتمل آهي، جيڪو مڪمل طور تي اسٽيل مان تيار ڪيو ويو آهي. هن قسم جي گهر ٺاهڻ جو هڪ خاص استعمال موبائل هوٽلن، موبائل دڪانن، موبائل ڪلينڪس ۽ موبائل اسڪول جي صورت ۾ ڪم اچي سگهن ٿا.  هن وقت ان آزمائشي گهر جي قيمت 129000  ڊالر رکي وئي آهي آهي.  هن قسم جا گهر انهن ماڻهن لاءِ ڪارآمد ثابت ٿي سگهن ٿا جيڪي هڪ جڳه کان ٻي جڳه تي اچ وڃ ڪندا رهن ٿا.