پاڪستان ايندڙ سال فيبروري تائين ايف اي ٽي ايف جي گري لسٽ ۾ رهندو

ايف اي ٽي ايف پاڪستان کي فيبروري تائين گري لسٽ ۾ رکڻ جو اعلان ڪندي دهشگرديءَ جي مالي سهائتا لاءِ مني لانڊرنگ جي مڪمل خاتمي لاءِ وڌيڪ قدم کڻڻ جي هدايت ڪري ڇڏي. اهڙو فيصلو ايف اي ٽي ايف پيرس واري اجلاس ۾ ڪيو ويو. هن حوالي سان آخري فيصلو جمعي ڏينهن ڪيو ويندو. اجلاس ۾ ڀارت پاڪستان تي الزام لڳائيندي چيو هو ته پاڪستان کي بليڪ لسٽ ۾ داخل ڪيو وڃي ڇاڪاڻ ته پاڪستان حافظ سعيد کي ذاتي استعمال لاءِ بينڪ مان رقم استعمال ڪرڻ جي اجازت ڏني هئي. جڏهن ته ترڪي، چين ۽ ملائيشيا پاران پاڪستان جي حمايت ڪرڻ بعد پاڪستان کي بليڪ لسٽ ۾ شامل نه ڪيو ويو.