وفاقي حڪومت ملڪ ۾ لاڪ ڊائون وڌيڪ 9 مئي تائين وڌائي ڇڏيو

وزيراعظم عمران خان جي صدارت هيٺ قومي رابطا ڪاميٽي جو اجلاس ٿيو، جنهن ۾ وفاقي وزيرن کانسواءِ صوبائي وڏن وزيرن وڊيو لنڪ ذريعي شرڪت ڪئي. اجلاس ۾ لاڪ ڊائون واڌ بابت تجويز تي غور ڪيو ويو. ان موقعي تي وفاقي حڪومت سمارٽ لاڪ ڊائون ۾ وڌيڪ 9 مئي تائين ٻن هفتن جي واڌ جو فيصلو ڪيو آهي. جڏهن ته صوبائي حڪومتون صوبن ۾ صورتحال موجب فيصلو ڪنديون. اجلاس کانپوءِ پريس بريفنگ ۾ وفاقي وزير ٻڌايو ته صوبن به پنهنجون تجويزون ڏنيون آهن، فيصلو ڪيو ويو آهي ته رمضان ۾ سحري ۽ افطار دوران لوڊشيڊنگ نه ٿيندي. موجوده صورتحال ۾ 15 رمضان تائين لاڪ ڊائون برقرار رکيو ويندو. فيصلن تي عمل صوبن ذريعي ٿيندو. اسد عمر چيو ته ملڪ ۾ ڪورونا ٽيسٽنگ وڌائي رهيا آهيون، عوام احتياط ڪري ته عيد تائين بهتري ايندي، جيڪڏهن احتياط نه ڪيو ويو ته پابنديون لڳائڻيون پونديون