پيٽروليم شين جي قيمتن ۾ 12 رپين تائين گھٽتائي.

پيٽروليم شين جي قيمتن ۾ 12 رپين تائين گھٽتائي جو نوٽيفڪيشن جاري ڪيو ويو آھي. گاسليٽ جي قيمت ۾ 11 رپيا 88 پئسا گھٽتائي ڪئي وئي جنھن کان پوءِ گاسليٽ جي قيمت 47 رپيا 44 پئسن کان گھٽ ٿي 35 رپيا 56 پئسا في ليٽر ۽ پيٽرول جي في ليٽر قيمت 7 رپيا 6 پئسا گھٽتائي کان پوءِ 81 رپيا 58 پئسن کان گھٽجي 74 رپيا 52 پئسا في ليٽر ٿي وئي آھي. ڊيزل جي قيمت ۾ 5 پئسا اضافي کان پوءِ 80 رپيا 15 پئسا في ليٽر ٿي وئي آھي. لائٽ ڊيزل جي آئل جي قيمت 47 رپيا 52 پئسن کان گھٽ ڪري 38 رپيا 14 پئسا ڪئي وئي آھي. حڪومت نوٽيفڪيشن جاري ڪري ڇڏيو آھي جنھن تحت نيون قيمتون پھرين جون کان لاڳو ٿينديون. واضح رھي ته اوگرا پاران ٻه ڏينھن اڳ پيٽروليم شين جي قيمتن ۾ ردوبدل جي سمري پيٽروليم وزارت کي موڪلي وئي ھئي.