سنڌ ۾ ڪڻڪ جا اگهه مقرر ڪرڻ لاءِ آبادگارن سان مشوري جو فيصلو

ڪڻڪ جي خريداري ۽ اگهه مقرر ڪرڻ بابت سنڌ ڪابينا پاران جوڙيل ڪاميٽي جو اهم اجلاس ٿيو، جنهن ۾ اطلاعات واري وزير سيد ناصر حسين شاهه، زراعت واري صوبائي وزير محمد اسماعيل راهو ۽ خوراڪ واري وزير هري رام ڪشوري لال شرڪت ڪئي. جڏهن ته سنڌ آبادگار بورڊ جو صدر عبدالمجيد نظاماڻي، سنڌ ايگريڪلچر جي سيد فضل شاهه ۽ خوراڪ کاتي جو سيڪريٽري لئيق احمد به شريڪ هئا. اجلاس ۾ طئي ڪيو ويو ته سنڌ ۾ ڪڻڪ جا اگهه مقرر ڪرڻ لاءِ آبادگارن کان مشورو ڪيو وڃي. جڏهن ته ڪڻڪ جي اگهن جو فيصلو سنڌ ڪابينا ڪندي. ان موقعي تي آبادگارن جي نمائندن چيو ته اسان اميد ڪريون ٿا ته سنڌ حڪومت آبادگارن جي مشوري سان ئي ڪڻڪ جا اگهه مقرر ڪندي