مهانگائي ۽ ذخيرا اندوزي روڪڻ لاءِ پرائس مئجسٽريٽ مقرر ڪرڻ جو فيصلو

سنڌ حڪومت مهانگائي ۽ ذخيرا اندوزي روڪڻ لاءِ فوري قدم کڻڻ ۾ نوان پرائس مئجسٽريٽ ڀرتي ڪرڻ جو فيصلو ڪري ڇڏيو آهي. سنڌ جي زراعت واري وزير اسماعيل راهو وڌيڪ چيو ته سنڌ ڪابينا کان نوان پرائس مئجسٽريٽ ڀرتي ڪرڻ جي منظوري وٺي اشتهار جاري ڪيو ويندو، پرائس مئجسٽريٽ جو تعداد وڌايو ويندو، عوام جي آگاهي لاءِ روز مره جي شين جون قيمتون موبائل ۽ سوشل ميڊيا ايپليڪيشن تي به جاري ڪيون وينديون. صوبائي وزير چيو ته ڪوشش آهي ته قيمتون ڪنٽرول ڪريون ۽ ذخيرا اندوزي نه ٿيڻ ڏيون، پرائس مئجسٽريٽ کي صوبي ۾ متحرڪ ڪيو ويو آهي، جيڪي آفيسر ڪارروائي نه ڪندا انهن خلاف ايڪشن کڻنداسين