18 سالن کان ننڍن ٻارن لاءِ سگريٽ نوشي تي پابندي لاڳو، بل منظور

سينيٽ اندر هيلٿ سروسز اينڊ ريگيوليشنز جي قائما ڪميٽي 18 سالن کان گهٽ عمر جي ٻارن کي سگريٽ ڇڪڻ کان روڪڻ لاءِ بل منظور ڪري ڇڏيو آهي. اڱاري ڏينهن ٿيندڙ اجلاس ۾ چيئرمين ڪميٽي سينيٽر ميان عتيق جي صدارت هيٺ وزارت  هيلٿ سروسز طرفان ڪميٽي کي 18 سالن  کان گهٽ عمر جي ٻارن پاران سگريٽ ڇڪڻ ۽ ان سان گڏ سينيما گهرن ۾ سگريٽ ڇڪڻ بابت قانوني بلن بابت بريفنگ ڏني وئي جنهن ۾ ڪميٽي ٻارن جي سگريٽ واپرائڻ تي پابندي واري بل جي منظوري ڏئي ڇڏي جڏهن ته سينيما گهرن ۾ سگريٽ واپرائڻ واري بل کي وزارت قانون ۽ انصاف ڏانهن موڪلي ڇڏيو آهي.