چيف جسٽس پاران موبائل فون ٽيڪس تي پاڻ مرادو نوٽيس

چيف جسٽس پاران موبائل فون ڪمپنين پاران 40 سيڪڙو ٽيڪس وصولي بابت پاڻ مرادو نوٽيس ورتو ويو آهي. عدالت پڇيو آهي ته “ٻڌايو وڃي ته موبائل فون ڪارڊ تي ڪهڙو ڪهڙو ٽيڪس ورتو پيو وڃي” ياد رهي ته هر 100 رپين جي ڪارڊ تان 40 رپيا ڪاٽيا ويندا آهن. سپريم ڪورٽ پاران اٽارني جنرل کان تفصيل گهرائي ورتا ويا آهن. جڏهن ته ڪيس جي ٻڌڻي اڱاري ڏينهن 8 مئي تي ڪئي ويندي. ان کان اڳ سينيٽ جي قائم ڪميٽي پاران به موبائل فونن تان وصول ڪيل ٽيڪس جي طريقيڪار تي شديد تنقيد ڪئي وئي هئي، جنهن پاران 40 سيڪڙو ٽيڪس تي اعتراض ڪيو ويو هو.