برطانيه جو شهزادو ۽ شهزادي اڄ پاڪستان پهچي رهيا آهن

پرنس وليم ۽ ڪيٽ ولنٽن اڄ پاڪستان پهچي رهيا آهن، هن موقعي تي برطانوي شاهي جوڙي کي ڳاڙهي قالين تي آڌر ڀاءُ ڪرڻ سميت سندن مان ۾ گارڊ آف آنر به پيش ڪيو ويندو. خبرن موجب شاهي جوڙي سان گڏ انهن جا ٻار به هوندا جڏهن ته سندن سيڪيورٽي لاءِ برطانوي ٽيم ۽ 40 عدد ڊاڪٽر ۽ طبي عملو به ساڻ هوندو. شاهي جوڙو صدر ۽ وزيراعظم سان ملاقات ڪرڻ کان علاوه ايس او ايس وليج ايچيسن ڪاليج ۽ شوڪت خانم اسپتال جو دورو به ڪندا. جنهن کان علاوه شاهي جوڙو بادشاهي مسجد، مينار پاڪستان، چترال، درا خيبر قلعي جو دورو به ڪندا.