تعليمي سيشن اپريل کان شروع ڪيو ويندو: پرائيويٽ اسڪول ايسوسئيشن

سنڌ تعليم کاتي جي نئين تعليمي سيشن جي شروعات پهرين جولاءِ کان ڪرڻ جي اعلان تي آل پاڪستان پرائيويٽ اسڪولز اڄ 11 فيبروري تي احتجاج جو سڏ ڏيئي ڇڏيو. حڪومت کان مطالبو ڪيو آهي ته تعليمي سيشن پهرين جولاءِ بدران اپريل کان شروع ڪيو وڃي. ٻي صورت ۾ احتجاج جو دائرو وسيع ڪيو ويندو. آل پاڪستان پرائيويٽ اسڪولز فيڊريشن جي مرڪزي صدر ڪاشف مرزا صوبائي صدر سنڌ شرف الزمان جي صلاح سان سڄي صوبي لاءِ سنڌ تعليم کاتي جي اعلان کي رد ڪري ڇڏيو آهي ۽ تعليمي سيشن پهرين اپريل کان شروع ڪرڻ جو اعلان ڪندي مطالبو ڪيو آهي ته سيشن ختم ٿيڻ کان اڳ سيشن کي 16 مهينن جو ڪيو ويو ۽ شاگردن جي تعليمي سيشن کي عملي طور تي فقط 90 ڏينهن تي محدود ڪري مستقبل تاريڪ ڪيو ويو آهي. هن چيو ته تعليمي ادارا نئين سيشن جي شروعات پراڻي تعليمي ڪئلينڊر مطابق اپريل جي پهرين هفتي کان ڪندا