ايٽمي بند ٽٽڻ ۽ جڙڻ جي پهرين وڊيو ٺاهي وئي

اسان جي ويجهو کان وٺي ڪائنات جي وسعتن تائين ايٽم پاڻ ۾ ملن ٿا ۽ وري هڪٻئي کان ڌار ٿيندا رهن ٿا. هاڻي پهريون ڀيرو سائنسدانن ان عمل جي وڊيو تيار ڪري ورتي آهي. ايٽمن جي ملڻ کي بانڊنگ چيو وڃي ٿو. ان کان پهرين اهڙي ڪابه وڊيو موجود نه هئي، جيڪا ايٽمن جي جڙڻ يا ڌار ٿيڻ کي ظاهر ڪري سگهي. هاڻي يونيورسٽي آف نوٽنگهم ۽ جرمني جي الم يونيورسٽي جي ماهرن گڏجي پهريون ڀيرو هيءَ وڊيو ٽرانسميشن اليڪٽرانڪ مائڪرو اسڪوپي جي مدد سان تيار ڪئي آهي.