اسٽاڪ ايڪسچينج ٻاڙائي جو شڪار، سيڙپڪارن جا 230 ارب رپيا ٻڏي ويا
ڪراچي (مانيٽرنگ ڊيسڪ) پاناماڪيس جي جاچ رپورٽ سامهون اچڻ بعد اسٽاڪ ايڪسچينج ٻاڙائي جو شڪار آهي. جنهن سبب سيڙپڪارن جا 230 ارب رپيا ٻڏي ويا آهن. اسٽاڪ ايڪسيچنج ۾ ٻاڙائي سبب هنڊريڊ انڊيڪس ۾ 15 سئو پوائنٽس جي گهٽتائي آئي آهي.جنهن سبب سيڙپڪارن جا 230 ارب رپيا ٻڏي ويا آهن. اسٽاڪ ايڪسچينج ۾ هنڊريڊ انڊيڪس به گهٽجي 44 هزار 8 سئو پوائنٽس تي پهچي ويو آهي. 12 جون تي به وزيراعظم نوازشريف جي جي آءِ ٽي آڏو پيشي واري ڏينهن هنڊريڊ انڊيڪس 1855 پوائنٽس جي گهٽتائي سان بند ٿيو هو. واضح رهي ته پاناما ڪيس بابت جاچ ڪندڙ ٽيم سپريم ڪورٽ ۾ رپورٽ جمع ڪرائي جنهن بعد عدالت ڪيس جي ٻڌڻي 17 جولاءِ تائين ملتوي ڪئي وئي.
هي مضمون ڪيئن رهيو؟
