ٽيچر جيڪو انگريزي لفظ آھي جنهن جي معنيٰ آھي پاڙھيندڙ، جنهن کي عربيءَ ۾ مُعلم، فارسيءَ ۾ آخوند، سنسڪرت ۾ گُرو، ترڪش زبان ۾ اتالِيق، اردو ۽ سنڌي ۾ استاد ڪري سڏيندا آھن، جنهن جي ھر ٻوليءَ ۾ معنيٰ ۽ مفهوم آھي سيکاريندڙ، علم ڏيندڙ، گِيان ورھائيندڙ، رھبر، جيئن شاھ صاحب جي بيت جي سِٽ آھي ته “امت جي آخوند، اوڀڙ سڀ اڀاريا.” مطلب دنيا جي ھر زبان ۾ ھر ڪنڊ ڪڙڇ ۾ استاد جو مقام اوچو آھي، بغير استاد جي انسان ڀٽڪيل راھن جو مسافر ٿي پوندو آھي.
