پيرس جي چرچ ۾ باهه وسائڻ ۾ روبوٽ جو استعمال

خبرن موجب پيرس جي نوٽرڊيم چرچ ۾ لڳل باهه کي وسائڻ لاءِ روبوٽ جو به استعمال ڪيو ويو آهي. ڪلوسس نالي هن روبوٽ 4 سئو باهه وسائيندڙن سان گڏجي ڪم ڪيو ۽ چرچ جي اندرئين حصي جي باهه وسائڻ ۾ خاص مدد ڪئي.پيرس جي باهه وسائيندڙ اداري جي ماهرن چيو ته هي روبوٽ نه هجي ها ته چرچ جي پوري عمارت ڪِري پوي ها. روبوٽ کي چرچ جي اندرئين حصي ۾ موڪليو ويو ۽ ان ۾ لڳل ڪيمرائن جي مدد سان اندر جي حصي جو معائنو ڪري باهه کي وسايو ويو. هي  روبوٽ هڪ وقت ۾ 540 ڪلو گرام فوم کڻي وڃي سگهي ٿو. ياد رهي ته پيرس جو نوٽرڊيم وارو چرچ ٻيهر اڏاوت لاءِ 5 سال بند رهندو.