ڪشمير جي شاگردن کي هندو انتها پسندن کان بچائڻ واري صحافڻ کي ڌمڪيون
ڪشمير جي شاگردن کي انتها پسند هندوئن کان بچائڻ لاءِ پنهنجي گهر ۾ پناهه ڏيندڙ ڀارتي صحافڻ ساگريڪا کي ڌمڪيون ملڻ لڳيون. 26 سالن جي ڀارتي صحافڻ ساگريڪا هڪ ڪشميري ڇوڪري آهي ۽ ڄمون جي رهائشي آهي، جيڪا آن لائين نيوز چئنل لاءِ ڪم ڪندي آهي. پلواما حملي کانپوءِ جڏهن ڀارت ۾ ڪشميرين تي حملا ڪيا پيا وڃن ته ان مهل ساگريڪا ڪشميري مسلمانن کي پناهه ڏيڻ جي پيشڪش ڪئي هئي. جنهن کانپوءِ هن نه رڳو 18 ڪشميرين کي پنهنجي گهر ۾ پناهه ڏني پر انهن کي حفاظت سان پنهنجي گهرن تائين به رسايو هو. ٻئي پاسي ساگريڪا مودي سرڪار خلاف لکندي به رهي ٿي ۽ ڪشمير اندر ٿيندڙ ڏاڍ تي به لکندي رهندي آهي. جنهن بعد هندو انتها پسند سوشل ميڊيا تي صحافڻ کي ڌمڪيون ڏيئي رهيا آهن جنهن سبب سندس جان خطري ۾ پئجي وئي آهي.
هي مضمون ڪيئن رهيو؟
