امارات ايئر لائنز عارضي طور تي پاڪستان لاءِ اڏامون معطل ڪري ڇڏيون آهن.

 ايئرپورٽ ذريعن موجب امارات ايئر لائنز پنهنجون اڏامون 10 ڏينهن لاءِ پاڪستان لاءِ معطل ڪري ڇڏيون آهن. ذريعن ٻڌايو ته ڪراچي کان آخري اڏام EK607 صرف دبئي لاءِ رواني ٿي. ذريعن موجب مسافرن جو گهٽ تعداد هجڻ سبب خرچ تمام گهڻو ٿي رهيو آهي ۽ آمدني نه ٿي رهي آهي. ان ڪري 3 جولاءِ کانپوءِ پاڪستان لاءِ اڏامون ٻيهر شروع ڪرڻ تي غور ڪيو ويندو.