آمريڪا ۾ دهشتگرد حملو ميوزڪ ڪانسرٽ دوران دهشتگرد جي فائرنگ 58 ڄڻا مارجي ويا، 500 کان وڌيڪ زخمي
آمريڪا جي رياست لاس ويگاس ۾ دهشتگرد پاران ميوزڪ ڪانسرٽ ۾ فائرنگ دوران 58 ڄڻا قتل، 500 کان وڌيڪ ماڻهو زخمي ٿي پيا. جڏهن ته سي اين اين مطابق جوابدار پاڻ کي گولي هڻي ماري ڇڏيو. فائرنگ ڪندڙ شخص جو نالو اسٽيفن پيڊڪ ٻڌايو ويو آهي. سندس عمر 64 سال هئي. پوليس موجب فائرنگ وقت ڪانسرٽ ۾ هزارين ماڻهو موجود هئا، ڀاڄ سبب سوين زخمي ٿي پيا. فوتگين جي واڌاري جو امڪان ظاهر ڪيو ويو آهي. علائقي کي سيل ڪيو ويو آهي ۽ وڏي تعداد ۾ عملو مقرر ڪيو ويو آهي. هوڏانهن وري داعش واقعي جي ذميواري قبولي آهي.
