ڏکئي وقت ۾ ملڪ کي آئوٽ آف دي باڪس سوچڻو پوندو آهي: وزيراعظم

وزيراعظم عمران خان جو چوڻ آهي ته ڏکئي وقت مان نڪرڻ لاءِ ملڪ کي آئوٽ آف دي باڪس سوچڻو پوي ٿو. لاهور ۾ سينٽرل بزنس ڊسٽرڪٽ منصوبي جي افتتاحي تقريب کي خطاب ڪندي وزيراعظم عمران خان جو چوڻ آهي ته 10 اوندهه وارن سالن دوران وڏو قرض ورتو ويو جنهن جون هر سالن قسطون وڌي رهيون آهن. هن جو چوڻ هو ته ڏکئي وقت مان نڪرڻ لاءِ ملڪ کي آئوٽ آف دي باڪس سوچڻو پوندو آهي، آئوٽ آف باڪس جو مقصد پراڻي سوچ مان نڪرڻ آهي. هن ٻڌايو ته گذريل هڪ سال کان قطر سان معاهدي جي ڪوشش ڪري رهيا هئاسين، اڄ قطر سان ايل اين جي جو معاهدو ٿيو آهي، هر سال ايل اين جي منصوبي تحت 300 ملين ڊالرز جي بچت ٿيندي.