ڇا صحيح آهي ڇا غلط ڳڻتي نه ڪريو، عمران خان جي آڊيو ليڪ

اڳوڻي وزيراعظم عمران خان جي هڪ وڌيڪ آڊيو ليڪ ٿي وئي آهي. ليڪ ٿيل آڊيو ۾ عمران خان 5 ايم اين ايز جي خريداري جي ڳالهه ڪري رهيو آهي. ليڪ ٿيل آڊيو ۾ عمران خان چوي ٿو ته اوهان کي وڏي غلط فهمي آهي ته اوهان جا نمبر گيمز پورا آهن، اهي نمبرز ائين نه آهن، ائين نه سمجهو ته سڀ ختم ٿي ويو آهي. عمران خان ليڪ ٿيل آڊيو ۾ چوي ٿو ته قوم ھن وقت سجاڳ ٿي وئي آھي، پنھنجي طرفان ڪيئي چالون ھلايان پيو، جيڪي اسان پبلڪ نٿا ڪري سگهون. پي ٽي آءِ چيئرمين چئي رهيو آهي ته پنج ته مان خريد ڪري رهيو آهيان، مون کي اهو پيغام ڏيڻو آهي ته اهي پنج انتهائي اهم آهن، هنن کي چئو ته وڌيڪ 5 اسان کي ڏين، 10 ٿي وڃن ته پوءِ گيم اسان جي هٿ ۾ آهي.