پيٽروليم شين جي اگهن بابت فيصلو اڄ ڪيو ويندو

ايندڙ 15 ڏينهن جي لاءِ پيٽرول ڪيترا رپيا مهانگو ٿيندو. وزيراعظم عمران خان اڄ حتمي فيصلو ڪندو. آئل اينڊ گيس ريگوليٽري اٿارٽي (اوگرا) طرفان ايندڙ پندرنهن ڏينهن جي لاءِ پيٽرول 16 رپيا في ليٽر تائين مهانگو ڪرڻ جي تجويز پيٽروليم ڊويزن ڏانهن اماڻي وئي آهي. سمري ۾ ڊيزل 14 رپيا 75 پئسا في ليٽر مهانگو ڪرڻ جي سفارش ڪئي وئي آهي. ذريعن موجب 16 فيبروري کان پيٽروليم شيون  4 کان ساڍا 5 رپيا في ليٽر مهانگي ٿيڻ جو امڪان ظاهر ڪيو پيو وڃي. اوگرا طرفان اماڻيل سمري ۾ لائٽ ڊيزل ۽ گاسليٽ جي تيل جي قيمتن ۾ به اضافي جي تجويز ڏني وئي آهي. ڊيزل جي قيمت ۾ 14 رپيا 75 پئسا واڌ تجويز ڪئي وئي آهي.