وڏي وزير مراد علي شاهه تي نوري آباد پاور پلانٽ ڪرپشن ريفرنس ۾ فرد جرم لاڳو ڪرڻ جو فيصلو

احتساب عدالت ۾ جعلي اڪائونٽس اسڪينڊل ۽ نوري آباد پاور پلانٽ ريفرنس تي ٻڌڻي ٿي. احتساب عدالت وڏي وزير مراد علي شاهه تي فرد جرم لاڳو ڪرڻ جو فيصلو ڪيو آھي. ان سلسلي ۾ عدالت نوري آباد پاور پلانٽ ريفرنس ۾ فرد جرم لاڳو ڪرڻ لاءِ 30 جون جي تاريخ مقرر ڪري ڇڏي آهي. عدالت ۾ وڏو وزير مراد علي شاهه پيش نه ٿيو، هڪ ڏينهن حاضري کان ڇوٽ واري درخواست داخل ڪرائي وئي. عدالت شريڪ جوابدار محمد علي کي اشتهاري قرار ڏئي گرفتاري وارنٽ جاري ڪرڻ جو حڪم ڏنو آھي.