وڏي وزير خلاف نيب ريفرنس، نيب-نيازي ڳٺ جوڙ جو نتيجو آهي: مرتضيٰ وهاب، ناصر شاهه ۽ سعيد غني جِي پريس ڪانفرنس

وڏي وزير مراد علي شاهه خلاف نيب ريفرنس، نيب-نيازي ڳٺ جوڙ جو نتيجو آهي، سنڌ حڪومت جِي ساک کي نقصان پهچائڻ لاءِ اِهو سڀ ڪيو پيو وڃي، جيڪو منصوبو ڪراچي کي سستي بجلي فراهم ڪري رهيو آهي، نيب اُن تي سوال ڪري رهيو آهي. سنڌ حڪومت جي ترجمان مرتضيٰ وهاب، ناصر شاهه ۽ سعيد غني جِي پريس ڪانفرنس، مرتضيٰ وهاب چيو آهي ته نوري آباد پاور ڪمپني ۽ سنڌ ٽرانسميشن اينڊ ڊسپيچ ڪمپني اربين رپيا ڪمائي رهيون آهن، اوهان ڇا ٿا چاهيو، ڇا وزير ڪم ڪرڻ ڇڏي ڏين؟ ڏکين حالتن کي منهن ڏيڻ ڄاڻون ٿا، مراد علي شاهه نيب ريفرنس جو قانون موجب جواب ڏيندو، سعيد غني چيو ته نااهل حڪومت کي وائکو ڪندڙن خلاف نيب ريفرنس داخل ٿي رهيا آهن، نيب کي عمران حڪومت جي ڪرپشن ڇو نظر نٿي اچي.