وزيراعظم عمران خان جي صدارت هيٺ وفاقي ڪابينا جو اجلاس اڄ ٿيندو

وزيراعظم عمران خان جي صدارت هيٺ وفاقي ڪابينا جو اجلاس اڄ ٿيندو جنهن ۾ 22 نڪتن تي ٻڌل ايجنڊا بحث هيٺ ايندي. سرڪاري ادارن جي سربراهن جي خالي پوسٽن تي بريفنگ ايجنڊا ۾ شامل آهي. اليڪٽرانڪ ووٽنگ مشين ۽ اوورسيز پاڪستان کي ووٽنگ جو حق ڏيڻ تي به غور ٿيندو. پي او ايف بورڊ جي ميمبرن جي مقرري ڪابينا جي ايجنڊا جو حصو آهي. دوائن جي وڌ کان وڌ ريٽل قيمت جي منظوري ڏني ويندي. اين آءِ ايڇ ڪي اي ڊي جي ترقي به ايجنڊا ۾ شامل آهي. رولز آف بزنس 1972ع ۾ ترميم جو معاملو ڪابينا جي سامهون رکيو ويندو. نيپرا جي ميمبرن جي مقرري جي منظوري جو به امڪان آهي. ڪورونا ويڪسين جي وڌ کان وڌ ريٽل قيمت جي منظوري جو به امڪان آهي. ڪابينا اي سي سي ۽ سي سي ايل سي جي فيصلن جي توثيق ڪندي. براڊ شيٽ جاچ ڪميشن جي رپورٽ ڪابينا جي اجلاس ۾ پيش ڪئي ويندي. ڪابينا انڪوائري رپورٽ پبلڪ ڪرڻ بابت فيصلي جي منظوري ڏيندي.