موسميات کاتي آگسٽ ۾ برساتن جي حوالي سان اهم بيان جاري ڪري ڇڏيو

موسميات کاتي آگسٽ مهيني جو موسمياتي آئوٽ لڪ جاري ڪري ڇڏيو، جنهن ۾ اڳڪٿي ڪئي وئي آهي ته ملڪ جي ڪيترن ئي حصن ۾ معمول کان وڌيڪ برساتون پونديون. موسميات کاتي موجب اتر اوڀر پنجاب، ڪشمير، سنڌ جي ڏاکڻي حصي ۽ بلوچستان جي سامونڊي علائقن ۾ معمول کان وڌيڪ مينهن وسي سگهي ٿو، خيبر پختونخواهه ۽ بلوچستان جي وڏي حصي ۾ معمول کان وڌيڪ برساتن جو امڪان آهي. موسميات کاتي جو چوڻ آهي ته گلگت بلتستان ۾ آگسٽ ۾ معمول موجب برساتون پونديون، تيز برساتن سبب ملڪ جي جابلو علائقن ۾ ٻوڏ، جڏهن ته سنڌ، پنجاب ۽ خيبر پختونخواهه جي شهري علائقن ۾ اربن فلڊنگ جو خطرو آهي، ندي ۽ نالن ۾ به ٻوڏ جهڙي صورتحال جا خدشا رهندا.