سنڌ سرڪار کي ڏنگي ۽ ڀنڊار ٻيٽن تي نئون شهر اڏڻ جي اجازت ڏيڻ گهرجي: وزيراعظم

وزيراعظم عمران خان چيو آھي ته سنڌ سرڪار کي ڏنگي ۽ ڀنڊار ٻيٽن تي نئون شهر اڏڻ جي اجازت ڏيڻ گهرجي، ٻيٽن تي منصوبي سان سڀ کان وڌيڪ فائدو سنڌ کي ٿئي ها، اُن باوجود سنڌ حڪومت اجازت ڏئي واپس وٺي ڇڏي، وزيراعظم ڪراچي ۾ گرين لائين منصوبي جي افتتاحي تقريب کي خطاب ڪيو، وزيراعظم چيو ته اسان کي نيويارڪ ۽ دبئي جيان ٻيٽن تي جديد شهر اڏڻ جي ضرورت آهي سنڌ جو ماڻهو به پاڪستان جو عوام آهي، عوام جا مسئلا حل ڪرڻ لاءِ گڏجي ڪم ڪرڻ گهرون ٿا. سنڌ سرڪار کي ٻيٽن جي منصوبي ۽ هيلٿ ڪارڊ ۾ شامل ٿيڻ گهرجي. سنڌ جي عوام جو به حق آهي ته ٻين صوبن جيان کين به هيلٿ انشورنس ڪارڊ ملي.