دوا ساز صنعت جي فروغ لاءِ مراعاتي پئڪيج جي تياري

وفاقي حڪومت دوا ساز ادارن کي مراعاتي پئڪيج ڏيڻ جو فيصلو ڪيو آھي ته جيئن ان صنعت کي فروغ ڏيندي انڊيا، چين ۽ بنگلاديش جي مقابل آڻي سگھجي ۽ دواسازي لاءِ گھربل خام مال لاءِ ٻاھرين ملڪن تي انحصار گھٽائي سگھجي. وزيراعظم ھائوس پاران واسطيدار کاتن ۽ وزارتن کي ھدايتون ڪيون ويون آھن ته حڪومت دواسازي جي شعبي ۾ خود انحصاري چاھي ٿي. ان سلسلي ۾ تجارتي وزارت جي سيڪريٽري صحت واري وزارت جي سيڪريٽري کي درخواست ڪئي آھي ته ٻئي وزارتون ملڪ جي دواساز صنعت جي ترقي لاءِ ٺوس ۽ عملي ڪوششون ڪن ۽ ان صنعت جي مسئلن کي حل ڪن.