حڪومت سڄي ملڪ ۾ سڀني تعليمي ادارن ۾ امتحان ملتوي ڪري ڇڏيا

وفاقي حڪومت ڪورونا جي وڌندڙ صورتحال سبب سڄي ملڪ جي سڀني تعليمي ادارن ۾ امتحان ملتوي ڪري ڇڏيا آهن. تعليم واري وفاقي وزير شفقت محمود پريس ڪانفرنس دوران ٻڌايو ته هاڻ 15 جون 2021ع تائين ملڪ ۾ ڪي به امتحان نه ٿيندا. هن ٻڌايو ته او ۽ اي ليول جا امتحان به هاڻ آڪٽوبر، نومبر ۾ ٿيندا. مئي جي ٽئين هفتي ۾ صورتحال جو ٻيهر جائزو ورتو ويندو. هن وڌيڪ چيو ته نائين، ڏهين، يارهين ۽ ٻارهين جماعت جا امتحان جولاءِ ۽ آگسٽ تائين وڃي سگهن ٿا، يونيورسٽين ۾ داخلائون جنوري تائين جاري رهنديون.