پيپر ڊسپلي سان گڏ دنيا جو پهريون Eye Friendly سمارٽ فون

چيني ڪمپني ٽي سي ايل غير روايتي اسمارٽ فون ۽ تيبليٽ ٺاهڻ ۾ هميشه اڳيان رهي آهي ۽ هاڻ هن نئين پيپر ڊسپلي ٽيڪنالاجيءَ هيٺ سمارٽ فون تيار ڪيو آهي، جيڪو اکين جي روشنيءَ کي متاثر نه ڪندو. هن ٽيڪنالاجيءَ کي اين ايڪس ٽي پيپر جو نالو ڏنو ويو آهي، جيڪو عام سمارٽ فون وانگر سڀني رنگن کي چڱي طرح ڏيکاري سگهي ٿو، جنهن کي برقي ڪاغذ به چيو وڃي ٿو، ٽي سي ايل هڪ عرصي کان پيپر ٽيڪنالاجي ڊسپلي تي ڪم ڪري رهيو هو ۽ وڌيڪ بهتر ڊسپلي سان هن ٻه سمارٽ فون پيش ڪيا آهن. جنهن ۾ سڀ رنگ پنهنجي آب و تاب سان ڏسڻ ۾ اچن ٿا، ان کان پهرين اي اِنڪ ٽيڪنالاجيءَ ۾ اهي رنگ ان طرح ڏيکارڻ ممڪن نه هئا.