هن ڏکي گهڙيءَ ۾ طوفان سبب متاثر ٿيندڙ ماڻهن کي اڪيلو نه ڇڏينداسين: ڪور ڪمانڊر ڪراچي

ڪور ڪمانڊر ڪراچي ميجر جنرل بابر افتخار جو چوڻ آهي ته پاڪ فوج جا جٿا سنڌ جي ساحلي علائقن ۾ ماڻهن کي ريسڪيو ڪرڻ لاءِ پهتل آهن، هن ڏکي گهڙيءَ ۾ متاثر ٿيندڙ ماڻهن کي اڪيلو نه ڇڏينداسين. ڪور ڪمانڊر ڪراچي ميجر جنرل بابر افتخار جي سربراهي ۾ رات دير سان بدين ۾ ٿيل هنگامي اجلاس ۾ ڊي جي رينجرز سنڌ، جي او سي حيدرآباد ۽ سول ادارن جي عهديدارن به شرڪت ڪئي. ڪور ڪمانڊر کي سامونڊي طوفان ۽ امڪاني طور متاثر ٿيندڙ ماڻهن کي ٻاهر ڪڍڻ واري آپريشن بابت بريفنگ ڏني وئي. ميجر جنرل بابر افتخار چيو ته ساحلي پٽي مان ماڻهن کي محفوظ هنڌن تي منتقل ڪرڻ لاءِ سمورا وسيلا استعمال ڪيا وڃن.