فلسطيني عوام سان گڏ بيٺل آهيون، غزه ۽ ان جي اوسي پاسي ۾ جنگ بند ٿيڻ ضروري آهي: سعودي عرب

سعودي عرب جي بادشاهه شاهه سلمان بن عبدالعزيز جي صدارت هيٺ سعودي ڪابينا جي اهم اجلاس ۾ اسرائيل فلسطين ويڙهه سميت اهم قومي، بين الاقوامي ۽ معاشي معاملن تي خيالن جي ڏي وٺ ٿي، اجلاس جي اعلاميي ۾ چيو ويو ته سعودي عرب مسلسل فلسطيني عوام سان گڏ بيٺل آهي. غزه ۽ ان جي اوسي پاسي ويڙهه بند ٿيڻ گهرجي. اهو به چيو ويو ته سعوي عرب خطي ۾ جنگ جو دائرو وسيع ٿيڻ کي روڪڻ جي حق ۾ آهي. اجلاس دوران شاهه سلمان بن عبدالعزيز ۽ ولي عهد شهزادي محمد بن سلمان اسرائيل فلسطين معاملي تي تازي ڪشيدگيءَ متعلق بين الاقوامي رهنمائن سان ٿيل ڳالهه ٻولهه بابت ڪابينا کي آگاهه ڪيو.