اليڪشن لاءِ مخالف ڌر سان ڳالهين لاءِ تيار آهيون: خواجا آصف

بچاءُ واري وزير خواجا آصف چيو آهي ته اليڪشن لاءِ مخالف ڌر سان ڳالهين لاءِ تيار آهيون، سياستدانن جي وچ ۾ دوستي آهي اسان پاڻ ۾ وڙهيل ناهيون. سپريم ڪورٽ ۾ ملڪ اندر هڪ ئي وقت چونڊون ڪرائڻ بابت درخواست تي ٻڌڻي دوران ڳالهائيندي خواجا آصف چيو ته حڪومت جو شروع کان ئي اهو موقف رهيو آهي ته سياسي معاملا سياستدانن کي ئي حل ڪرڻ گهرجن. هن چيو ته حڪومت چاهي ٿي ته اليڪشن صاف ۽ شفاف نموني ڪرائي وڃي، انڪري پوري ملڪ ۾ نگران سيٽ اپ ذريعي چونڊون ڪرائڻ لازمي آهن جيڪڏهن پنجاب ۾ پهرين چونڊون ٿيون ته بعد ۾ ٿيندڙ چونڊن تي آڱريون کڄنديون.