ترڪيه صدارتي چونڊون: طيب اردوان مسلسل ٻيون ڀيرو صدر چونڊجي ويو

سرڪاري ميڊيا موجب ترڪيه جي سپريم اليڪشن ڪائونسل جو چوڻ آهي ته صدر طيب اردوان کي ووٽن جي ڳڻپ دوران 52.09 سيڪڙو ووٽن سان برتري حاصل آهي. خيال رهي ته 14 مئي تي ٿيندڙ چونڊن دوران ڪنهن به جماعت کي 50 سيڪڙو ووٽ حاصل نه ٿيا هئا، جنهن سبب ٻئي مرحلي لاءِ ووٽنگ ڪئي وئي. طيب اردوان جي پيپلز الائنس 49.52 سيڪڙو ووٽ حاصل ڪيا هئا. اڄ ٿيڻ واري ووٽنگ دوران ترڪ ميڊيا جي رپورٽ مطابق هينئر تائين جي نتيجن جي تناظر ۾ رجب طيب اردوان کي 53.4 سيڪڙو ووٽن کان برتري حاصل آهي. طيب اردوان جي ممڪنه کٽڻ تي ٻين ملڪن سان گڏ پاڪستان طرفان مبارڪباد ملڻ جو سلسلو شروع ٿي ويو آهي.