آمريڪا عمران خان جي حڪومت ڪيرائڻ جو الزام ٻيهر رد ڪري ڇڏيو

آمريڪا عمران خان جي حڪومت ڪيرائڻ جو الزام ٻيهر رد ڪري ڇڏيو آھي، آمريڪي پرڏيهي کاتي جي ترجمان نيڊ پرائس جو چوڻ آهي ته غلط ۽ ڪوڙن اطلاعن بابت درست معلومات ڏيئي سگهون ٿا. نيڊ پرائس موجب پهرين به چئي چڪا آهيون ته الزامن ۾ ڪابه صداقت نه آهي، غلط اطلاعن کي ٻه طرفا لاڳاپن ۾ رڪاوٽ بڻجڻ نه ڏينداسين. آمريڪي پرڏيھي کاتي جي ترجمان موجب پاڪستان ۽ آمريڪا وچ ۾ ڀائيواري کي قدر جي نگاهه سان ڏسون ٿا، خوشحال پاڪستان آمريڪا جي مفادن ۾ آهي.