سنڌ وائلڊ لائف ميوزيم  ۾ حنوط ٿيل قيمتي جانورن ۽ تصويرن جو خزانو

تيزي سان وڌندڙ آبادي انساني دٻاءُ ۽ تعميرات سان جنگلي حيات جا قدرتي رهائشگاهون تباهه ٿيڻ سان سندن بقا کي شديد خطرو آڏو آهي ۽ هن سلسلي ۾ سنڌ وائلڊ لائف ڊپارٽمينٽ هڪ اهم ميوزيم تعمير ڪيو آهي، جتي هڪ ئي ڇت هيٺ سوين جانورن کي ڏسي سگهجي ٿو. سنڌ وائلڊ لائف ميوزيم ۾ اڏامندڙ 350 قسم جا پکي، 102 سُرندڙ جانورن جا قسم، 80 کير پياريندڙ جانورن جي مختلف قسمن کي حنوط ٿيل حالت ۽ تصويري صورت ۾ رکيو ويو آهي. ميوزم ۾ سنڌ آئي بيڪس، اڙيال سميت ٻين جانورن کي خاص ڪيميڪل ذريعي 30 سالن جي عرصي لاءِ محفوظ ڪيو ويو آهي.