اسلام آباد هاءِ ڪورٽ جي رجسٽرار آفيس عمران خان جي درخواستن تي اعتراض واري ڇڏيا

اسلام آباد هاءِ ڪورٽ جي رجسٽرار آفيس وارنٽ رد ڪرڻ ۽ گرفتاري کان روڪڻ بابت عمران خان جي درخواستن تي اعتراض واري ڇڏيا، عمران خان توشه خانه ڪيس ۾ گرفتاري وارنٽ رد ڪرڻ واري درخواست خارج ٿيڻ واري فيصلي کي چئلينج ڪيو هو. مختلف شهرن ۾ داخل ڪيسن ۾ عمران خان جي گرفتاري روڪڻ لاءِ به درخواست داخل ڪئي وئي هئي، عمران خان حياتي کي خطرو ڄاڻائي پوليس کي گرفتاري کان روڪڻ ۽ انڊرٽيڪنگ قبول ڪرڻ جي استدعا ڪئي. رجسٽرار آفيس ٻنهي درخواستن تي اعتراض واريندي چيو آهي ته عمران خان جي بايوميٽرڪ ٿيل نه آهي، جنهن معاملي تي عدالت پهرين فيصلو ڏئي چڪي آهي، ان تي ٻيهر ٻڌڻي نٿي ڪري سگهجي.