نگران وزيراعليٰ 27 پبلڪ يونيورسٽين جي آڊٽ جو حڪم ڏئي ڇڏيو

سنڌ جي سڀني پبلڪ يونيورسٽين ۾ بي ضابطگين ۽ بدعنوانين جي رپورٽن کي نظر ۾ رکندي نگران وزير اعليٰ سنڌ جسٽس رٽائرڊ مقبول باقر سڀني يونيورسٽين، بورڊن ۽ سنڌ هائر ايجوڪيشن ڪميشن کي صوبي جي سڀني 27 سرڪاري يونيورسٽين جو آڊٽ ڪرڻ جي هدايت جاري ڪري ڇڏي. کيس ٻڌايو ويو ته يونيورسٽين ۾ سينيٽ جا اجلاس طويل عرصي کان منعقد نه ڪيا ويا آهن، ته هو ان ڳالهه تي به پريشان نظر آيو. وزير اعليٰ انهن يونيورسٽين جي خلاف ڪارروائي جو حڪم ڏنو آهي، جن پنهنجي سينيٽ جا اجلاس ناهن ڪيا. جن ۾ ڪراچي يونيورسٽي ۽ سنڌ يونيورسٽي به شامل آهن. کيس ان ڳالهه تي وڌيڪ حيرت ٿي ته انهن يونيورسٽين ۾ 8 کان 9 سالن تائين سينيٽ جا اجلاس منعقد نه ٿيا آهن. جڏهن ته سينيٽ جا اجلاس ڪرائڻ ضروري آهن. ڇو ته سينيٽ اها باڊي آهي جيڪا يونيورسٽيءَ جو بجيٽ منظور ڪندي آهي.