طالبان اسڪالرشپ تي دبئي ويندڙ 100 عورتن کي روڪي ڇڏيو

طالبان يونيورسٽي اسڪالرشپ لاءِ دبئي ويندڙ 100 عورتن کي روڪي ڇڏيو. افغان عورتن کي متحده عرب امارات جي ڪاروباري گروپ اسپانسر ڪيو هو. متحده عرب امارات جي ڪاروباري گروپ جي باني چيئرمين خلف احمد الحبطور چيو آهي ته 100 افغاني ڇوڪرين لاءِ هوائي ٽڪيٽ جي ادائگي به ڪري ڇڏي هئي. هن چيو ته طالبان حڪومت تعليم لاءِ ايندڙ افغان ڇوڪرين کي پڙهڻ جي اجازت ڏيڻ کان انڪار ڪري ڇڏيو. خلف احمد الحبطور جو چوڻ هو ته افغان ڇوڪرين لاءِ هتي رهائش، تعليم، محفوظ نقل و حرڪت جو انتظام ڪيو ويو هو.