ذيابيطس ۾ مبتلا ماڻهن لاءِ مصنوعي پتي جو ڪامياب تجربو

برطانوي سائنسدانن ٽائپ 2 ذيابيطس ۾ مبتلا ماڻهن لاءِ مصنوعي پتي جو ڪامياب تجربو ڪيو آهي. يونيورسٽي آف ڪيمبرج ۾ قائم ويلڪم ايم آر سي انسٽيٽيوٽ آف ميٽابولڪ سائنس جي سائنسدانن هڪ مصنوعي پتو ٺاهيو آهي جيڪو گلوڪوز جي سطح کي برقرار رکڻ ۾ مدد ڏئي سگهي ٿو. هي ڊوائس CamAPS HX نالي ايپ (جيڪا سائنسدانن جي ٽيم طرفان ٺاهي وئي آهي) جو استعمال ڪندي جسم ۾ موجود اضافي گلوڪوز جي نگراني ڪري ٿي. هيءَ ايپ هڪ ايلگورٿم سان هلي ٿي جيڪو اهو ٻڌائي ٿو ته گلوڪوز کي معمول جي مقدار مطابق رکڻ لاءِ ڪيتري انسولين گهربل آهي.