لوڻ ساليانو لکين زندگين کي ڳڙڪائي وڃڻ جو ذميدار قرار

طبي ماهرن کاڌي ۾ لوڻ جي واڌ کي سڄي دنيا ۾ ساليانو لکين زندگين جي ختم ٿيڻ جو سبب قرار ڏئي ڇڏيو آهي. صحت واري عالمي اداري پنهنجي تازي رپورٽ ۾ چيو آهي ته لوڻ هر انساني جسم لاءِ هڪ اهم غذائي جزو آهي، پر ان جو وڌيڪ استعمال هاءِ بلڊ پريشر جو شڪار بڻائي دل جي مرض، فالج، هارٽ اٽيڪ ۽ وقت کان پهرين موت جو خطرو وڌائي ٿو، سموري دنيا ۾ تقريبن 20 لک موت دل جي رڳن سان جڙيل مرضن سبب ٿين ٿا.