پاڪستان جي عبوري حڪومت سان ڪم ڪرڻ لاءِ تيار آهيون: آمريڪا

آمريڪي پرڏيهي اداري جو چوڻ آهي ته پاڪستان ۾ آزاد ۽ شفاف چونڊون چاهيون ٿا. آمريڪي پرڏيهي اداري جي ترجمان ويدانت پٽيل ميڊيا بريفنگ ۾ چيو ته پاڪستان ۾ عبوري حڪومت جي قيام ۽ سينيٽر انوارالحق جي بطور نگران وزيراعظم جون ذميواريون سنڀالڻ کان آگاهه آهيون. عبوري حڪومت سان ڪم ڪرڻ لاءِ تيار آهيون. پاڪستان سان گڏ شفاف ۽ آزاد چونڊن جي انعقاد، معاشي استحڪام، سيڪيورٽي، جمهوريت جي احترام ۽ قانون جي حڪمراني لاءِ تعاون ڪندا رهنداسين.