وزير اعظم سپريم ڪورٽ جي فيصلي تي مشاورت لاءِ اٽارني جنرل کي طلب ڪري ورتو

وزير اعظم شهباز شريف سپريم ڪورٽ جي فيصلي تي مشاورت لاءِ اڄ اٽارني جنرل کي طلب ڪري ورتو آهي. وزير اعظم جي صلاحڪار ۽ پ پ اڳواڻ قمر زمان ڪائرا چيو آهي ته پروسيجر بل تي پارليامينٽ سرنڊر نه ڪندي، عدالت جي اهڙن فيصلن سان عوام ۾ غلط تاثر پيدا ٿيندو. قمر زمان ڪائرا جو وڌيڪ چوڻ آهي ته پارليامينٽ جي خود مختياري کي ڪمزور ڪيو پيو وڃي، اهڙو عمل قبول نه ڪيو ويندو، پارليامينٽ ادارن جا اصول ٺاهي سگهي ٿي، ائين نه ٿئي جو اسان اهڙي هنڌ پهچي وڃون جتي سمورا آئيني رستا ئي بند ٿي وڃن.