وزيراعظم ايس آءِ ايف سي جي ايپڪس ڪميٽي جو اڄ اهم اجلاس سڏائي ورتو: سيڙپڪاري بابت معاملن تي غور ويچار

نگران وزيراعظم انوار الحق ڪاڪڙ اسپيشل انويسٽمينٽ فئسيلٽيشن ڪائونسل (SIFC) جي ايپڪس ڪميٽي جو اڄ اهم اجلاس سڏائي ورتو. اجلاس ۾ چئني صوبن جا نگران وڏا وزير، وفاقي وزير ۽ عسڪري قيادت به شرڪت ڪندي. ايپڪس ڪميٽي جي اجلاس ۾ سيڙپڪاري بابت معاملن تي غور ويچار ڪيو ويندو. ايس آءِ ايف سي اختياريون واپارين ۽ ٻين ڌرين سان ملاقاتن بابت اجلاس کي آگاهه ڪنديون، اجلاس ۾ سيڙپڪاري سميت ٻين معاملن تي به اهم فيصلا ٿيڻ جا امڪان آهن.